Framhaldsskólinn á Laugum 

Framhaldsskólinn á Laugum býður upp á nám í ferðafræði FER 103 á vorönn 2012. Þetta er fyrsti áfangi sem kenndur er á námsbraut í ferðamálafræðum við Framhaldsskólann á Laugum og er grunnáfangi og undirbúningur fyrir aðra áfanga námsbrautarinnar. Námstundir eru 6 á viku, þar af 4 kennslustundir og 2 stundir í vinnustofu, sem skiptast á tvo vikudaga.

Kennsla hefst 5. janúar og lýkur 11. maí 2012. 
Inntökuskilyrði eru að hafa lokið grunnskólaprófi.
Innritað er í áfangann til 15. desember 2011 í Framhaldsskólanum á Laugum eða rafrænt hér á laugar.is - innritun FER 103

Leiðbeinandi verður Margrét Hólm Valsdóttir, viðskipta- og ferðamálafræðingur

Margrét Hólm er skrifstofustjóri hjá Reynihlíð hf. í Mývatnssveit. Reynihlíð hf. er rótgróið ferðaþjónustufyrirtæki sem á og rekur Hótel Reynihlíð og Gamlabæinn kaffihús og bar í Reykjahlíð við Mývatn. Reynihlíð hf. hefur beitt sér fyrir stofnun fyrirtækja í greininni í nærumhverfi sínu svo sem Mýflugs, Baðfélags Mývatnssveitar og Mývatnsstofu. Fyrirtækið kemur að stofnun ferðamálabrautarinnar með myndarlegum hætti og kostar stöðu Margrétar þar til annað verður ákveðið.

FER 103 áfangalýsing:
Nemendur þekki helstu þætti sem snúa að ferðaþjónustu sem atvinnugrein. Nemendur þekki hugtök sem notuð eru í ferðaþjónustu, þróun og sögu hennar og hvaða þýðingu ferðaþjónustan hefur fyrir þjóðarbúskapinn. Nemendur þekki opinberar stofnanir ferðaþjónustunnar og hlutverk þeirra. Nemendur hafi skilning á starfsemi mismunandi fyrirtækja í ferðaþjónustu s.s. gisti- og veitingastaði, afþreyingarfyrirtæki, samgöngufyrirtæki og ferðaskrifstofur. Nemendur þekki jákvæð og neikvæð áhrif ferðaþjónustu á samfélagið, efnahagslífið, menningu og umhverfi og geri sér grein fyrir hvaða störf skapast í ferðaþjónustu og einkenni þeirra starfa. Áfanginn er grunnáfangi og er undirbúningur fyrir alla aðra áfanga í ferðamálanáminu.

Gert er ráð fyrir að aðiljar úr ferðaþjónustu verði með gestafyrirlestra tvisvar til þrisvar á önninni.

Námsmat sem er símat, byggist á verkefnaskilum, prófum og virkni nemenda í tímum.

Nánari upplýsingar veitir leiðbeinandi, Margrét Hólm, í síma 8645890, netfang Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.  eða skólameistari í síma 4643112, netfang Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Skólameistari