Framhaldsskólinn á Laugum 

Íþróttabraut skólans er framsækin braut og njóta nemendur góðs af þeirri góðu íþróttaaðstöðu sem er á Laugum.

Nemendur á íþróttabraut geta valið milli þess að fara þjálfunarstíg eða kennslufræðistíg í námi sínu.

• Þjálfunarstígur
  hefur tengingu við náttúrufræðibrautog hefur það að markmiði að undirbúa nemendur undir margskonar þjálfun og heilsurækt, svo sem íþróttaþjálfun, einkaþjálfun, almenna heilsurækt og einnig fyrir frekara nám í íþróttafræðum á háskólastigi.
  
  
  
• Kennslufræðistígur
  hefur tengingu við félagsfræðibrautog hefur það að markmiði að undirbúa nemendur undir störf innan íþróttahreyfingarinnar, s.s. stjórnunarstörf í íþróttafélögum og einnig fyrir nám í kennslufræðum á háskólastigi.

Sérnám íþróttabrautar

• Starfsnám: Nemendur sinna ýmist þjálfun eða kennslu á grunnskólabörnum og/eða almenningi samhliða skólanum. Þeir standa einning fyrir mótum yfir vetrartímann og öðlast þannig mjög góða verklega reynslu á fjölmörgum þáttum á sviði íþrótta og heilsuræktar. 

• Íþróttafræði: Hér er fræðilegi þáttur íþróttaiðkunar skoðaður. Farið er í m.a. þjálffræði, íþróttasálfræði og líkams- og lífeðlisfræði svo fátt eitt sé nefnt. Öll kennsla miðast við að tengja námið við raunveruleg viðfangsefni, eins og t.d. starfsnámið, og er áherslan lögð á að nemendur tileinki sér ákveðin vinnubrögð og geti nýtt sér þá þekkingu sem þeim er veitt í frekara nám eða í störfum innan íþróttahreyfingarinnar.

• Kynning á fjölbreyttum íþróttagreinum
  • Fótbolti
  • Körfubolti
  • Handbolti
  • Blak
  • Vetraríþróttir
  • Spaða- og kylfuíþróttir
  • Fimleikar
  • Sund
  • Frjálsar íþróttir
  • Óhefðbundnar íþróttir